Әбсәләм спортчылары мини-футбол буенча авыл командалары арасында беренче урынны яулады

Футбол кырында Әбсәләм, Бәйрәкә һәм Иске Каразирек авыл җирлекләре командалары очрашты. Спартакиадада катнашучылар сыйфатында һәвәскәр спортчылар гына чыгыш ясасалар да, уен тамашалы, мавыктыргыч чарага әверелде. Нәтиҗәдә беренче урынны Әбсәләм командасы яулады, икенче - бәйрәкәлеләр һәм өченче - Каразирек авылы җирлеге командасы. Шуны исегезгә төшерәбез, спартакиада эстафетасы район предприятиеләре командаларына күчте - мини-футбол буенча иптәшләрчә очрашу киләсе якшәмбедә үтәчәк.