Урыссуның «Энергия» стадионында укучылар спартакиадасы узды

Спартакиадада районның барлык уку йортларыннан 2002 елгы укучылардан башлап 2007 елгыларга кадәр катнашты. Кызлар 100 метрга һәм 400 метрга йөгерештә катнашты, малайлар 200 метр һәм 800 метрлык дистанцияләрдә җитезлектә көч сынашты. Спартакиада программасында 6х100 метрга эстафета да бар иде. Команда зачетында беренче урынны Урыссудагы 3 санлы мәктәп яулады, икенче - Урыссу гимназиясе, өченче - Урыссудагы 2 санлы мәктәп.