Йөгерү. Сикерү. Эстафета...

Тулаем алганда, спорт ярышларының алты төре буенча сәнәгать предприятиеләре һәм авыл җирлекләренең физик культура коллективлары ярышты, сигез төрендә - укучылар катнашты. Мәсәлән, чаңгы, йөзү, волейбол, өстәл теннисы, пневматик коралдан ату, җиңел атлетика, җиңел атлетика кроссы буенча Урыссу ГРЭСы командасы пьедесталның беренче урынына күтәрелде, Урыссу химия заводы физкультурачылары икенче урында булды, "Электросоединитель" заводы спортчылары - өченче. Авыл җирлекләре физик культура коллективлары арасында Ютазы авылы командасы лидерлык итте, каразиреклеләр икенче урында булды, 124 санлы һөнәри училище командасы - өченче.

Төп гомуми белем бирү мәктәпләре арасында Подгорный мәктәбе командасы лидерлык итте, димтамаклылар икенче урында булды, Урыссуның 4 санлы мәктәбе - өченче. Ә урта мәктәп командалары арасында исә Урыссуның 3 санлы мәктәбе командасы лидерлык итте, Ютазы мәктәбе икенче булды, Каразирек мәктәбе командасы - өченче. Мәктәп укучылары түбәндәге төр-ләрдә ярышты: чаңгы, йөзү, волейбол, мини-футбол, пневматик коралдан ату, җиңел атлетика (2), җиңел атлетика кроссы.