Ютазы районының боксчылары чираттагы зур җиңү белән Башкортстаннан кайткан

Тренерлар Рифкать Мөхәммәтшин һәм Владимир Добрин тәрбияләнүчеләре Сөбханкул авылының ачык беренчелегендә катнашкан. "Ачык ринг" бокс буенча үсмерләр арасында оештырылган ярышларда безнең спортчылар зур уңышларга ирешкән. 2004 елгы Егор Томкин, 2006 елгы Әмир Гатиятуллин, 2007 елгы Тимур Хәкимов һәм Оскар Шәрипов, 2008 елгы Гадел Фаздалов пьедесталның югары баскычына күтәрелсә, 2003 елгы Илья Малолеткин исә "көмеш" медаль яулаган.