Фәйрүзә Шәмсетдинова "Яшьлек"

Безнең авыл бик зур түгел.

Тик урамнары киңдер.

Шул урамның үләнендә

Тәгәрәшеп үстек без.

Бергәләшеп бәбкә кудык,

Буа будык, балык тоттык,

Яр буйларын туздырдык.

Ә кич җиткәч, болыннарда

Туплар тибеп йөгердек -

Ике урам уйнадык.

Балалык кадерен белдек.

Үсә төшкәч, бергәләшеп,

Без клубларга йөрдек.

Клуб мөдире белән

Авылда концерт куйдык.

Үзебезнең арабызда

Гармунчыбыз бар иде.

Гармун уйнап, җырлар җырлап,

Урамнан уза идек.

Менә шулай безнең яшьлек

Гөрләп һәм матур узды.

Шуңа гел искә алабыз

Шаулап үткән чакларны.