Атмосфера басымы нәрсә ул?
Гәзит укучыларыбызның берсе редакцияга шундый сорау белән мөрәҗәгать итте. «Һава торышы турында язганда, һәрвакыт атмосфера басымын күрсәтәсез, ул ничек билгеләнә һәм нәрсәгә тәэсир итә?» - дип.
Сорау-Җавап
Атмосфера басымы - ул һава баганасы Җир өслегенең берәмлегенә басым ясый торган көч. Асылда, бу безнең өстәге һаваның авырлыгы.
Нормаль атмосфера басымы дип Цельсий буенча 0 градус температурада диңгез өсте тигезлегендә 760 мм терекөмеш баганасы санала. Бу - шартлы күрсәткеч, һәм асылда исә басым диңгез өсте тигезлегеннән биеклеккә, һава температурасына һәм һава шартларына бәйле рәвештә даими үзгәреп тора.
Атмосфера басымы кешенең, бигрәк тә йөрәк-кан тамырлары авырулары булган кешеләрнең, сәламәтлек торышына йогынты ясый. Кан басымының кискен үзгәрүе баш авыртуын, хәлсезлекне һәм гомуми хәлнең начараюын китереп чыгарырга мөмкин.
Следите за самым важным и интересным в Telegram-каналеТатмедиа
Нет комментариев