Бүген Урыссуның 3 санлы мәктәп базасында татар теле һәм әдәбияты укытучыларының төбәкара семинары булды

Кунаклар районның мәгариф учреждениеләрендә милли белем бирү концепциясе белән танышты һәм укытучының белемлелеге аша укучыларда конкурентлыкка сәләтле шәхес формалаштыру турында фикер алышты. Шулай ук алар район мәктәпләрендә татар теле һәм әдәбияты дәресләрен укыту буенча мастер-классларда булдылар. Семинарда катнашучылар алдында мәктәп укучылары концерт номерлары белән чыгыш ясады. Туган телебез һәм туган ягыбыз матурлыгына мәдхия җырлаган җирле шагыйрәләребез Зәйтүнә Абрарова һәм Фәүзия Гарипова да әлеге чарага чакырулы иде.