Яр Чаллы шәһәрендә балалар хирургы Лариса Сираева вафат булган

Кайгылы хәбәрне медицина учреждениесенең матбугат хезмәте хәбәр итте. Лариса Мирзаит кызы 2013 елда КДМХга килеп, балалар хирургиясенә ун елдан артык гомерен багышлады. Алдынгы методикаларны, шул исәптән эндоскопияне дә яхшы белгән виртуоз табиб йөзләгән яшь пациентның сәламәтлеген кайтарды. Хезмәттәшләре сүзләренчә, аның язмышын үзе билгеләгән - ул Балаларны яклау көнендә туган.

Авыр чиргә карамастан, Лариса Сираева соңгы көннәренә кадәр үз һөнәренә тугры калды һәм балаларга ярдәм итүен дәвам итте. Хастаханә коллективы тарафыннан басылган некрологта аның "балаларга чиксез мәхәббәте" һәм югары һөнәрилеге турында әйтелә, Лариса Сираева  аны белгән һәркемнең хәтерендә мәңге сакланачак.