Иң яшь җиңүчене барып котладык

Балаларга мактау грамоталары һәм бүләкләр тапшырдык. Хабаровскида яшәүчеләргә бүләкләрне почта аша җибәрдек. Ә менә иң яшь катнашучы 7 яшьлек Алия Фәйзрахманованы шәхсән котларга булдык. Шул нияттән без Урыссуның 7нче «Пчелка» балалар бакчасына юнәлдек, яшь талант иясе шунда йөри. Баланың күзләрендәге шатлык нурларын күрү — безнең өчен иң яхшы бүләк булды. Алия йөри торган төркемдә тәрбияләнүчеләр белән әңгәмә барышында башка балалар да катнашырга теләк белдерде. Ә кайберәүләр горурланып, аларның өйләрендә буяулар һәм фломастерлар бар, диделәр! Киләсе конкурсларда «Пчелка» егетләре, һичшиксез, үз сәләтләрен күрсәтерләр һәм лаеклы урыннар алырлар дип ышанабыз. Яңалыкларыбызны күзәтеп барыгыз һәм конкурсларыбызда катнашыгыз!