Корбан чалуга таләпләр куела

ТР буенча Россия авыл хуҗалыгы күзәтчелеге Идарәсе дәүләт инспекторы Э. Хәйруллина мәгълүматлары буенча, кешеләрнең тормышлары өчен куркыныч булган авырулар булмавы турында белешмәле терлекне генә сатып алырга, аларны су белән тәэмин ителгән, кан агып китү өчен юллары булган махсуслаштырылган урыннарда чалырга кирәк. Биологик калдыкларны үләт базларында яисә биотермик чокырларда утильләштерү мөһим. Чалучылар махсус кием, инвентарь белән тәэмин ителергә, шәхси гигиена кагыйдәләрен үтәргә тиеш. Терлекләрне чалу урыннарында чит затларның, песиләрнең һәм этләрнең булмавы мәҗбүри.