Уңышлылар эшләрен уңышлы алып бара

(Ильмира ГАЛИЕВА,Автор фотолары) Механизатор Радил Игъдисламов 80 гектарлы кырда бодай чәчүне соңгы гектарларда алып бара. Ай башында гына базага кайтып җиткән өр-яңа тракторда Фәнил Мәҗитов әле узган атнада гына культивациядә мәшгуль булса, бу атнада инде ул арпа чәчә. Илмир Мәрданшин иң авыр участокларның берсендә бодай өчен җир әзерли. Җәмгыятьтә рапс, көнбагыш, борчак чәчүне тәмамланган. Һава торышы уңай торган очракта, берничә көн эчендә иртә культуралар чәчүне тәмамлаячакбыз, дип хәбәр итте хезмәт коллективы җитәкчесе Айнур Әхмәдиев.