Күптән түгел Урыссу гимназиясендә Татарстан Республикасының көньяк-көнчыгышы казые Марат хәзрәт Мәрданшин яшьләр белән очрашты.
Әңгәмә хәзерге заман җәмгыятендә толерантлык, мөнәсәбәтләр культурасы проблемалары темасына багышланды. Хәзрәт тату диалогка, тыңлый белергә, әңгәмәдәшең белән манипуляцияләр үткәрмәскә, аңа карата басым ясамаска, шул ук вакытта ул сине аңларлык итеп үзеңне ачарга тырышырга чакырды. Дин әһеле бер-береңә карата сабыр булырга өндәде.
