Ютазы таңы
  • Рус Тат
  • Яңа ел төне ютазылыларны берләштерде

    Озак көтелгән бәйрәм, Яңа елны күп кенә ютазылылар һәм район кунаклары бистәнең үзәк мәйданында билгеләп үттеләр.

    31 декабрьдән 1 гыйнвар төнендә һава торышы шәп иде. Район халкының күбесе яңа ел алды сәгатьләрен бәйрәм өстәле артында түгел, район мәдәният йорты мәйданында үткәрүне өстен күрде. Биредә мәдәният йорты каршындагы сәхнәдә татар эстрадасы артистлары чыгыш ясады. Яшь Казан талантлары башкаруында җырлар рус һәм татар телләрендә генә түгел, инглиз телендә дә яңгырады. Концерт программасы башланыр алдыннан сәламләү һәм котлау өчен сүз район башлыгы Рөстәм Нуриевка бирелде. Узган елга зур булмаган нәтиҗәләр ясаганнан соң, Рөстәм Мидхәт улы яңа елда барлык җыелучыларга үткән елда тормышка ашмаган хыялларның тормышка ашуын, яңа максатларга ирешүне, сәламәтлек, энергия һәм башка яхшы теләкләр теләде. "Дуслар, бүген яңа традиция башлангычына нигез саласы килә, - дип мөрәҗәгать итте ул җыелучыларга, - һәр киләсе елны 31 декабрьдә, нәкъ кичке сәгать тугызда шушы урында очрашыйк һәм бергәләп яңа елны каршылыйк". Ютазылылар идеяне көчле алкышлар белән каршылады.
    Район җитәкчесе сәхнәдә тагын бер күңелле миссияне башкарды - административ биналарны һәм корылмаларны Яңа ел бәйрәме уңаеннан иң яхшы бизәүдә җиңүчеләргә бүләкләр тапшырды. Шулай итеп, район сәнәгать предприятиеләре арасында беренче урынны "Электросоединитель" заводы алды, икенче - Урыссу химия заводы, өченче - "Октябрьская база" ҖЧҖ. Бюджет учреждениеләре арасында Урыссудагы 6 санлы балалар бакчасы һәм Иске Каразирек авылының яңа мәдәният йорты лидерлар булды. Мактаулы икенче урынны Урыссудагы 3 санлы мәктәп һәм шундый ук сандагы балалар бакчасы алды. Бәйрәкә мәктәбе һәм балалар бакчасы өченче урынга чыкты.
    Бәйрәмнең рәсми өлеше тәмамланганнан соң, ике сәгатьлек концерт дәвам итте, ә икенче яртыда мәйдан өстендә күктә бәйрәм салюты атылды. Фейерверк очкыннары хәтта бистәдән читтә дә күренде. Район халкын уртак күңел ачу берләштерде. Яңа ел белән бер-берсен дуслар һәм танышлар гына түгел, бөтенләй чит кешеләр дә котлады. Бәйрәм кәефе ел дәвамында дәвам итәр дип ышанасы килә.

    Нравится
    Поделиться:
    Реклама
    Комментарии (0)
    Осталось символов: