Ютазы таңы
  • Рус Тат
  • Район мәдәният йортында ютазы укытучыларын тәбрикләделәр

    Узган атна ахырында район мәдәният йортында Укытучылар көненә багышланган тантана үтте.

    Бу кичәдә сәхнәдән белем орлыгын чәчүчеләр адресына иң якты теләкләр яңгырады. Менә алар, җитди һәм чибәр район мәгариф учреждениеләре хезмәткәрләре, сәхнәгә лаеклы бүләкләр алу өчен күтәрелде. Педагогларны котлап чыгыш ясаган район башлыгы, кеше өчен иң мөһиме булып акча һәм карьера түгел, кеше - үзе, аның үзәге кала, дип билгеләп узды.

    - Кеше тәрбия һәм белем алу процессында шундыйга әверелә. Һәм яшь, "яшел" буында иң яхшы кешелек сыйфатларын тәрбияләү эшендә педагоглар ролен киметеп булмый, - дип ассызыклады ул. - Илдәге үзгәрешләр, заман үзгәрешләре мәгариф өлкәсендә дә чагылыш тапты. Һәм без районның педагогик корпусы укытучының югары миссиясен башкарыр, аңа салынган бурычларны үтәр, дип ышанабыз. Әгәр дәүләт 2000 еллар башында мәгариф учреждениеләре хезмәткәрләре алдында бурычлы булып калса, бүген ул "кулдан ычкындырылганнарны" каплау максатында укытучы үз һөнәре белән горурлансын өчен барысын да эшләргә тырыша.

    Укытучыларга карата таләпләр артуы турында мәгариф бүлеге начальнигы Тамара Романова да җиткерде. Хезмәттәшләренә сәләтле һәм тәрбияле укучылар теләп, ул элек укытучы исемен йөртүче генә дә җәмгыятьтә хөрмәтле кеше булып калса, бүген педагогка карата үскән таләпләр нигезендә - нәтиҗә, укучыларның белем дәрәҗәсе, дип басым ясады. Ягъни, сәхнәдә ассызыклынганча, укытучы булып туарга кирәк һәм шуннан соң гына бу һөнәрне сайларга.

    Ә район кунаклары - "Щедрый вечер" рус җыры ансамбле хоры һәм Октябрьский музыка көллиятенең "Аяз" фольклор ансамбле чыгышлары педагоглар өчен чын бүләк булды. Аларның талантлы һәм соклангыч концерт номерларын күркәм милли костюмнар бизәде. Зал башкорт, татар һәм рус халык җырларын, шулай ук биюләрен башкарган артистларны җылы сәламләде. Алар җыелучыларга уңай энергетика биреп, тынычлык һәм татулык байрагын югары йөртүчеләр буларак кабул ителде.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: