Күптән түгел Азнакай шәһәрендә VIII төрдәге махсус (коррекцион) учреждениеләр укучылары арасында 2011-2012 уку елында Махсус Россия олимпиадасы программасы буенча Республика ярышларының VII зональ этабы узды.
Урыссу мәктәбе укучылары яхшы нәтиҗәләр күрсәтте. Мәсәлән, 6 сыйныф укучысы Илнур Гыйлаҗев беренче урынны яулады, 7 сыйныф укучысы Рәмзил Заһидуллин икенче урында булды, ә 8 сыйныф укучысы Айгөл Кәлимуллина өченче урынны алды. Команда зачетында мәктәп икенче урынны яулап, грамота һәм күчмә кубок белән бүләкләнде (команда җитәкчесе физик тәрбия укытучысы Фәнис Зәйдуллин), дип хәбәр итте мәктәп директоры Илдар Дусәлимов.
Нет комментариев