Бөтендөнья урманнарны саклау көне кысаларында Ютазы урманчылыгы эшчеләре Ютазы мәктәбе һәм Урыссу гимназиясе тәрбияләнүчеләре алдында лекция белән чыгыш ясадылар.
Алар укучыларны урман проблемалары, урман массивларын саклау максатында уздырылган чаралар, урман хуҗалыгы өлкәсендәге яңалыклар белән таныштырдылар. Аерым алганда, балалар прессланган плиталар җитештерү өчен түбән сортлы агач эшкәртү буенча завод эшли башлавын белделәр. Бу карт агачларны билгеләнешләре буенча тапшыру мөмкинлеге булуын аңлата. Урманны һәм аның байлыкларын саклау - дөнья җәмәгатьчелегенең иң әһәмиятле бурычларыннан берсе, дип хәбәр иттеләр Ютазы урманчылыгында.
Нет комментариев