Ютазы районы ата-аналары бала тәрбияләүнең кискен мәсьәләләрен тикшерде

Катнашучыларны әлеге мәктәп укучылары сәламләде. Чараның рәсми өлеше ЮХИДИның Ютазы бүлеге начальнигы Марс Гәрәев чыгышы белән башланды. Автоинспектор әти-әниләрнең дикъкатен юл хәрәкәтендә катнашучы балаларның куркынычсызлыгын тәэмин итү белән бәйле сорауларга җәлеп итте. Район эчке эшләр бүлегенең балигълык яшенә җитмәгән балалар белән эшләүче инспекторы Айдар Нурисламов теманы дәвам итеп, үсмерләрнең хокук бозу очракларын кисәтү чаралары турында сөйләде. Районның баш табибы Светлана Шакирова яшь буынның сәламәтлеге торышына анализ ясады. Ата-аналар җыелышын район мәгариф бүлеге начальнигы Гүзәл Гыйлаҗева йомгаклады.

автор фотолары