Республика «Без бергә» балалар иҗатына ярдәм һәм аны үстерү буенча фестивалендә безнең районнан өстәмә белем бирүнең унике тәрбияләнүчесе һәм биш педагогы катнашты.
Район командалары робот техникасы олимпиадасында, иң гади авто-, суда йөзү техникасы һәм авиамодельләр буенча ярышларда катнашты, "Эко-перспектива" һәм "Яшь турист" дип аталган интерактив уеннарда белемнәрен күрсәттеләр, техник иҗат күргәзмәсендә үзләренең эшләрен, шулай ук 3D-принтерда ясалган эшләнмәләрен, "Россия сувенирлары" күргәзмә-ярминкәсен оештырдылар һәм туку станогында келәм туку буенча мастер-класс күрсәттеләр. Барлык фестивальдә катнашучылар дипломнар һәм сертификатлар белән билгеләнде.
Нет комментариев