Әбсәләмнең “Сердәш” ансамбле Азнакайда уздырылган “Чатыр тауда җыен” фесивалендә катнашты

Фестиваль төрки халыкларның мәдәни үзенчәлекләрен саклау һәм үстерү максатларында уздырыла. Фестивальдә катнашучылар халык бәйрәмнәреннән, йолаларыннан, гореф-гадәтләреннән, уеннарыннан фрагментлар күрсәттеләр, халык биюләрен башкардылар. Чатыр тау - Татарстанның иң югары ноктасы, төбәкнең тарихи мирасы. Тарихи-мәдәни планда тауның кыйммәте шунда ки, аның башы борынгы, кеше аягы басмаган даланы хәтерләтә һәм безнең борынгы дәүләтләребез һәм халкыбыз тамырлары турында искәртә.