Ютазылылар мәктәпкәчә белем бирү хезмәткәрләрен хөрмәтләде

Бар кеше дә балага дөрес юл табалмый, ә тәрбиячегә исә һәрвакыт баланы аңларга, аның белән янәшә булырга туры килә. Бу көнне әти-әниләр үзләренең иң кадерлеләрен — газиз балаларын ышанып тапшырган хезмәткәрләргә карата изге теләкләр яңгырады. Мәктәпкәчә белем бирү хезмәткәрләрен һәм ветераннарын район башлыгы Аяз Шәфыйгуллин, район башкарма комитеты җитәкчесенең социаль мәсьәләләр буенча урынбасары Сергей Рузанов һәм мәгариф бүлеге башлыгы Сергей Абрамов котлады. Алар бүләкләү тантанасын җитәкләде. Балалар бакчалары һәм иҗат коллективлары тәрбияләнүчеләре, шулай ук район мәдәният йорты җырчылары бәйрәм мохите тудырды.
Тулырак мәгълүматны «Ютазы таңы» гәзитеннән укыгыз. Күбрәк фото һәм видеоматериаллар — гәзитнең киләсе санында.

Роза Әхмәдиева