Көрәш-Бүләк авылында - ир-егетләр бәйрәме

«Егетләр, алга!!!» кичәсе, яшь буын вәкилләре актив катнашуы белән генә чикләнмичә, ул, җанатарлар буларак, туган һәм дусларны үз даирәсенә җыйган.

Аркан тартыру, гер күтәрү, чана тартып узышу - бәйге-ярышларнын тулы булмаган исемлеге. Бәйрәм чарасына ямь өстәп, ир-егетләр әз-мәз мәзәк, кызык-мызык сүзләр белән аралыштырган.

- Шуңа өстәп, без бит «джентельменнар» дип, хатын-кызларны да ярышларда катнашырга чакырдылар. Бәйрәм күтәренке рухта үтте һәм һәрбер катнашучы истәлекле бүләкләр белән билгеләнде, - дип хәбәр иткән Көрәш-Бүләк авылы клубы мөдире Фәридә Гайфуллина.