Ташкичү авыл җирлеге өлкәннәре кабак бәлеше белән сыйланган

Кече Урыссу авылы үзешчәннәре тарафыннан әзерләнгән концерт, тәмле сыйлар тезелгән бәйрәм өстәлләре белән Ташкичү авыл җирлегендә гомер итүче өлкән яшьтәге авылдашлар хөрмәтләнде бу көнне. Аларны тәбрикләргә җирлек башлыгы Рамил Валеев, башлангыч ветераннар советы рәисе Гөлсинә Шакирҗанова, район мәдәният бүлеге начальнигы Алсу Хөсәенова килде. Көзнең иң зур сые - кабак бәлешенең исе ярты авылга таралды... Юк, җитте, артыгын язмыйм, бәлеш суына алайса.