Ветераннарның күңелләре илһамланып җырлый

Педагогик хезмәт ветераннары Валентина Новикова һәм Зоя Глушкова инициативасы белән оештырылган хор башта актив булган укытучы-пенсионерлардан торды. Әмма вакыт узу белән районның башка тармакларының элекке хезмәткәрләре белән дә тулыланды. Хорда катнашучылар бүген төрле район чараларында, республика фестивальләрендә генә зур теләк белән катнашып калмый (әле аларның чыгышлары хәйрия характерында), картлар һәм инвалидлар йортларында да концертлар оештыралар, укучылар арасында да патриотик тәрбия уздыралар.

Хорның репертуарына килгәндә, ул, нигездә, рус халык, казак җырларыннан, академик җырлардан, шулай ук үзләре иҗат иткән җырлардан тора. Алар аша өлкән артистлар дөньяга үзләренең җаннарын, тормышка зирәк карашларын, дөньяны аңлау тәҗрибәсен ача. Аларның йөзләрендәге җыерчыклары, күзләренең якты нуры, илһамланулары, кешеләргә кирәклекләрен тоюлары, аларга шатлык бүләк итәргә омтылулары аркасында, күренми. Алар, сугыш чорындагы һәм сугыштан соңгы балачаклары, арымас-талмас хезмәттә узган яшьлекләре, авырулар үзләрен белгерткән өлкән вакытлары булмаган да кебек, әле һаман да хәрәкәтчән, дәртле. Хорның алыштыргысыз җитәкчесе булып үз эшенә чиксез гашыйк, энергияле һәм эмоциональ Татарстан республикасының атказанган мәдәният хезмәткәре Ирина Иванаевская тора.

Юбилее көнендә район мәдәният йорты сәхнәсендә ветераннар тамашачылар өчен җырлар башкарып кына калмады, шаян картлар образына кереп, скетч күрсәтте, үзләренең талантларының тагын бер чиген ачып, шигырьләр укыды.

Район башкарма комитеты җитәкчесенең социаль сораулар буенча урынбасары Светлана Пройдакова район җитәкчелеге исеменнән хорда катнашучыларга мәдәни чараларда катнашулары, тәэсирле чыгышлары һәм талантлары өчен рәхмәт белдерде, яңа матур концертлар куюларын теләде, һәм матди базаларын ныгытсыннар өчен бүләк сыйфатында сертификат тапшырды. Коллектив, аларның җитәкчеләре, аккомпаниатор Зөлфирә Кубашева адресына җылы сүзләрне Башкортстан Республикасының атказанган хезмәткәре Алсу Хөсәенова һәм район мәдәният йорты директоры Рөстәм Абдурахманов җиткерде. Район мәдәниятен үстерүгә зур өлеш керткән өчен "Истоки" Халык ветераннар хоры район башлыгының һәм мәдәният бүлегенең рәхмәт хатлары белән билгеләнде. Татлы бүләк сыйфатында алар зур тәмле торт кабул итеп алды. Коллективны үзенең чыгышлары белән районның балалар иҗат коллективлары да хуплады. Кичәне уздыруга күп көчне район мәдәният йорты хезмәткәрләре салды.