“Ютазы йолдызлары” биючеләре сәхнәдә президент белән бергә тордылар

Фестиваль программасы Халыклар бердәмлеген бәйрәм итү көненә багышланды. Безнең ансамбль анда иң сәләтле балалар коллективы буларак билгеләнде һәм лауреат дипломы алды.

- Сез безнең бу ике көн эчендә күпме эмоцияләр һәм тәэсирләр алуыбызны күз алдына да китерә алмыйсыз, - дип сөйлиләр коллектив әгъзалары Айгөл Мөхтәруллина һәм Влада Салихова. - Республика дәүләт җыр һәм бию ансамбле, "Казан" бию ансамбле кебек коллективлар белән бер сәхнәдә чыгыш ясау - безнең иҗади тормышыбызда онытылмаслык вакыйга булды. Әлеге фестиваль безгә күп якты тәэссоратлар калдырды һәм яңа дуслар да бүләк итте. Без гүзәл республикабызның төрле төбәкләреннән килгән коллективлар белән таныштык. Халыклар бердәмлеге көнендә үткәрелгән фестиваль чынлап та безгә тупланырга ярдәм итте".

Ютазы йолдызчыклары фестивальдә сәнгать җитәкчеләре Минзилә Абдурахманова куюында "Җиләк аланы" биюен күрсәтте, анда бәхетле балаларның туган як киңлекләрендә урман җиләкләре җыюы тасвирлана. Тәрбияләнүчеләре өчен аеруча истә калырлык булган мизгелләре хакында ансамбль җитәкчесе үзе дә бәян итте:

- Фестивальгә без зональ турда катнашканнан соң эләктек, анда тугыз район коллективы арасында чыгыш ясадык һәм жюриның югары бәясен алдык. Казанга килгәч, без танылган ансамбльләр белән бергә репетиция ясау бәхетенә ирештек. Анда ук без чыгарылышчыбыз Гүзәл Шафигуллина белән дә очраштык. Хәзерге вакытта ул Алабуга мәдәният училищесында укый һәм "Кама бизәкләре" ансамблендә бии. Концертның үзендә безнең кулларына кәрзиннәр тоткан ачык сары костюмнар кигән кызларыбыз, "Казан" ансамбле белән бергә Рузил Гатинның Россия турында җыры озатуында "Казан" ансамбле белән бергә биергә чыкты. Ә минем тәрбияләнүчеләрем янына сәхнәгә Рөстәм Миңнеханов үзе күтәрелгәч, алар дулкынланудан хәтта сулыш алудан туктадылар. Биюче кызларыбыз республика башлыгы белән бер сәхнәдә торулары сәбпле, күпме эмоцияләр, күпме шатлык кичерде! Моны сүзләр белән генә аңлатырлык түгел, моны күрергә кирәк иде. Районыбыз балаларының президент белән басып торуы, аларның әти әниләре өчен дә, районыбыз өчен дә горурлык булды".

Миңнеханов сүзләре буенча, әлеге гала-концерт Татарстан халыклары ассамблеясе, власть органнары һәм этномәдәни берләшмәләр нәтиҗәле хезмәттәшлегенең ачык мисалына әверелде. "Милләтара мәдәниятне саклау һәм популярлаштыру - өстенлекле бурычларыбызның берсе. Төбәкара тынычлык һәм үзара килешеп яшәү - бу республикада иң зур кыйммәт һәм төп казанышларының берсе", - дип ассызыклады ул үзенең фестивальдәге чыгышында.