Ютазыда - республика кинематографлары

автор, 17 декабрь 2015 - 12:22

810

Бүген бездә "Инновация" студиясе режиссеры Салават Юзеев һәм Казан халыкара мөселман киносы фестивалендә иң яхшы ир-ат роле өчен беренче урынны яулаган Галиәскар Камал театры актеры Илдус Габрахманов булып китте.

Башкала кунаклары район мәдәният хезмәткәрләре, мәктәп укучылары белән очрашты. Салават Юзеев татар кинематографиясе турында сөйләде, киләчәккә корган планнары белән уртаклашты, яшь буынның күп санлы сорауларына җавап бирде. Район мәдәният бүлеге начальнигы Алсу Хөсәенова Салават Юзеев белән Илдус Габдрахмановка район башлыгының рәхмәт хатларын тапшырды. Татарстан кинематографлары тәкъдим иткән берничә кыска метражлы фильмнарны тамашачы бик җылы кабул итте.