Ютазы авылының тимер юл аркылы чыкканда авария булган

Кышкы юллар машина йөртүчеләрдән мөмкин кадәр ныклы җыйнаклык таләп итә, ләкин районыбызның кайбер кешеләре үзләрен супер машина йөртүче итеп күрсәтергә тели.

Транспорт чарасы белән болай гамьсез идарә итү юл-транспорт һәлакәтенә китерергә мөмкин. Узган атнада гына да район территориясендә җиде авария теркәлгән. Кайдадыр машиналар бер-берсе белән бәрелешсә, икенче җирдә юлдан "чыгып очканнар".

Юл-транспорт вакыйгасында иң куркынычы булып тимер юл аркылы чыгу урыны санала, һәм шундый хәл Ютазы авылында булган. Тимер юл аркылы чыкканда, машина юл кырыена төшкән. Бәхеткә, зыян күрүчеләр юк.