Куркынычсызлыкны арттыру таләп ителә

Утырыш барышында агымдагы елның беренче ярты еллыгына һәм узган елның шул ук чорына юл-транспорт вакыйгалары дәрәҗәсенә анализ ясалды, район газетасында юл хәрәкәте куркынычсызлыгын яктырту сораулары, "2013-2020 елларга Ютазы муниципаль районы территориясендә юл хәрәкәте куркынычсызлыгын күтәрү" муниципаль максатлы программасының бурычлары каралды. Комиссия әгъзалары тарафыннан шулай ук тимер юл полотносы аша юл үткәргечен салу перспективалары күзалланды, авыл торак пунктларында юл билгеләре һәм Урыссу бистәсендә ясалма тигезсезлекләр урнаштыру сораулары күтәрелде.