Көз башлану белән хокук саклау органнарына яңа уңыш чәлдерү турында хәбәрләр килә башлады.
Бәйрәкәдәге "Агро-Мир" ҖЧҖдан авыл кешеләренең берсе 40 килограмм яшел масса урлаган, Кече Урыссу авылында яшәүче Тукай исемендәге җәмгыятьнең 5,5 килограмм фуражына кызыккан, ә искеурыссулыларның берсе "Таң" җәмгыяте басуыннан 70 чәкән кукурузны үзләштерергә маташкан. Урланган уңыш күп булмаса да, чит милекне урлау беркемгә дә рөхсәт ителми.
Иң мөһим һәм кызыклы язмаларны Татмедиа Telegram-каналында укыгыз
