Районда, 20 августтан 20 сентябрьгә кадәр, “Игътибар – балалар!” кисәтү чарасы уздырыла

Чара балалар юл-транспорт травматизмын кисәтү, шулай ук каникуллардан соң юлда балаларның һәм яшүсмерләрнең үзләрен куркынычсыз тоту күнекмәләрен тергезү максатында үткәрелә. Бу чорда ЮХИДИ хезмәткәрләре балигъ булмаган пассажирларны йөртү һәм йөртүчеләрнең җәяүлеләргә өстенлек бирмәүләре белән бәйле юл хәрәкәте кагыйдәләрен бозуны кисәтү буенча рейдлар үткәрәләр, белем бирү оешмалары янына керү юллары торышын, юл билгеләрен, тамгаларын һәм чикләүләрне тикшерәләр, мәгариф учреждениеләрендә балалар һәм әти-әниләр белән әңгәмәләр уздыралар.