Урыссуда кичке сәгать уннан соң спиртлы эчемлек сатканнар

Әле күптән түгел генә идән астыннан кыздыргыч сыекча сатып яткан урыссулының берсе административ җаваплылыкка тартылган иде. Янәдән ике яңа факт. 27 февральдә Урыссуның бер супермаркетында эшләүче сатучы тәүлекнең тыелган вакытында бер шешә сыра саткан. Икенче көнне "Алкоголь" операциясе барышында полицейскийлар контроль сатып алу юлы белән урыссулы Р.ның көмешкә белән сәүдә итүен ачыклаганнар.