Татарстан Гидрометео үзәгендә элегрәк һава торышының начараюы турында кисәткәннәр иде.
Урыны белән Татарстанда көчле бозлы яңгыр яуды. Социаль челтәрләрдә Алексеевск районында төшерелгән кадрлар белән уртаклаша халык.
Видеода күренгәнчә, күк йөзен болыт каплаган, көчле яңгыр ява башлаган. Җир берничә минут эчендә боз белән капланды-түбәләргә, машиналарга һәм түтәлләргә эре боз яуды. Урыны белән күз күреме берничә метрга кадәр төште, әйләнә-тирәдәге бөтен нәрсә, кыш көне кебек, агарды. Кешеләр начар һава торышыннан лапаслар һәм тукталыш түбәләре астына качалар.
13 июльдә республикада көчле бозлы яңгыр, яшен, боз һәм секундына 17-22 метрга кадәр җил көтелә, дип фаразлаганнар иде. Күрәсең, фараз тулысынча акланган.
Фото:Казань КП
Нет комментариев