Яңа елдан Татарстанда коммуналь хезмәтләргә бәя ике тапкырга артачак

  Гыйнварда бәяләр 1,7%ка, ә октябрьдә кайбер муниципалитетларда 18,2%ка күтәреләчәк. Индексацияне Русия премьер-министры Михаил Мишустин раслады.

Аерым районнар өчен уртача бәядән рөхсәт ителгән тайпылыш 4,8% тәшкил итәчәк. Димәк, төбәктә бәяләрнең гомуми үсеше 13,4% булганда, аерым муниципалитетларда үсеш 18,2%ка җитәргә мөмкин.

Татарстанның Тарифлар буенча дәүләт комитеты бәяләрнең артуын искергән коммуналь челтәрләрне алмаштыру-яңарту һәм салым законнарындагы үзгәрешләр белән аңлата. 2026 елдан башлап гадиләштерелгән салым системасындагы идарә итүче компанияләр 22% күләмендә НДС түләргә мәҗбүр булачак, бу исә финанс йөкләнешне арттырачак.

https://dzen.ru/news/story/1578b0b2-e7e2-55c3-a7d4-6889d8c2eb31?lang=ru&from=reg_portal&rubric=Kazan&fan=1&t=1765180291&persistent_id=3286167683&cl4url=d2fcd32a734d1f9b2c276101e4d38624&tst=1765180857&story=ea05c8f1-1b09-5f29-9758-6db4b91a37bd&experiment=1424897

Фото: «Вести Татарстан»