Узган пәнҗешәмбедә район башкарма комитетының утырышлар залында район башкарма комитеты җитәкчесе вазифаларын башкаручы Андрей Подовалов рәислегендә район предприятиеләре һәм учреждениеләре җитәкчеләре белән чираттагы киңәшмә узды.
Киңәшмәдә агымдагы, әмма актуальлекләре ким булмаган сораулар каралды. Медицина тикшерүе һәм хезмәткә яраклы халык үлемен кисәтү, "Электрон эш белән тәэмин итүче" программасы темалары күтәрелде. Бүгенге көндә иң актуаль тема - каты көнкүреш калдыкларын чыгару. Әлеге сорау яңа "Биотранс" ҖЧҖ предприятиесенә кагылды. Шулай ук җаваплы затлар Хәйрия фонды эше һәм Өлкәннәр көне уңаеннан декада үткәрү турында хисап тотты.
Нет комментариев