Ютазы чаңгычылары Октябрьскийдан призлы урын белән кайткан

Ютазы чаңгычылары үзләрен чаңгыда узышу буенча ярышларда тагын бер тапкыр яхшы яктан күрсәтте

Район чаңгычылары командасы тренеры Таһир Гыйздетдинов хәбәр итүенчә, республика ярышлары күрше Октябрьский шәһәрендә 11 мартта һәм 19 мартта узган. 1999-2000 елларда туган яшүсмерләр арасында Андрей Зимин 8 чакрымлык дистанциядә - көмеш, 6 чакрымлык дистанциядә бронза медале яулаган. Әлеге яшь категориясендәге кызлар арасында Айназ Фәйзрахманова 6 чакрымлык арада бронза медаль алган. Ир-егетләр арасында 10 чакрымлык дистанциядә Ильмир Латыйпов та бронза медаленә лаек булган.