Район аграрчылары – оператив киңәшмәдә

Район буенча хаҗәт булган сенажның яртысыннан күбрәге тупланган. Терлек азыгы хәзерләү "Вафауллин", "Нәбиуллин", "Уңыш", "АгроМир" агроколлективларында уңышлы бара. Район башлыгы Рөстәм Нуриев җитәкчеләрнең игътибарын көзге якта малларга ашату өчен рапс чәчү мөһимлегенә җәлеп итте. Киңәшмәдә пар җирләрен, картайган күпьеллык үләннәрне эшкәртү соравы көн кадагына куелды. Җитәкчеләр шулай ук ферма торакларын кышлатуга, ындыр табагы биналарын яңа уңышны кабул итүгә, ашлык комбайннарын уракка хәзерләү турында да киңәш-табыш корды.