Эдуард Вәлиев: «Шөгыльләнгән эшеңне яратырга кирәк»

Шушы бәйрәм алдыннан без сезне Ютазы районының актив яшьләренең иң алдынгы вәкилләренең берсе белән таныштырырга телибез. Бу — 3нче Урыссу мәктәбен тәмамлаган, хәзер Русия дәүләт хокук университетының Казан филиалы студенты, Татарстан Республикасы Дәүләт Советы каршындагы Яшьләр парламенты әгъзасы Эдуард Вәлиев. Ул безгә уку һәм җәмәгать эшчәнлеген ничек бергә алып баруы, район яшьләре алдында торган бурычлар, киләчәккә планнары турында сөйләде. 
— Эдуард, Әйдә иң кызыклысыннан башлыйк әле — студент тормышын һәм шундый җаваплы җәмәгать эшчәнлеген бергә тартуы авыр түгелме? 
— Әлбәттә, һәркем өчен студент еллары — үзгә бер чор, анда һәркем үзенә шөгыль таба. Күпләр Конечно, для каждого студенчество — это особое время, каждый находит в нем что-то свое. Многие идут в волонтерлык (җәмәгать) эшчәнлегенә китә, кемдер үзе сайлаган белгечлек буенча фәнни юнәлешне үстерә, кемдер барысына да өлгерергә тырыша. Андый кешеләр миндә зур хөрмәт уята. Иң мөһиме — өстенлекләрне дөрес билгеләү, анык план төзү һәм, әлбәттә, командада эшли белү. 
— Барысына да өлгерергә ярдәм иткән берәр нинди серең бардыр бәлки? 
— Кайчак шундый вакытлар була, чаралар берсе өстенә берсе өелә, әмма биредә, әйткәнемчә, үз вакытыңны дөрес бүлү кирәк, бу тәртип булдырырга да ярдәм итә. «Тәртип сезне омтылыш китерә алмаган җиргә китерәчәк», — дигән әйтем бар. Лайфхаклар турында сөйләгәндә, эшнең анык структурасы булырга тиеш. Бу укуга да, теләсә кайсы тармактагы эшчәнлеккә дә кагыла, тик кирәкмәгән гамәлләргә вакыт сарыф итәргә кирәкми. Иң мөһиме — үзең шөгыльләнгән эшне ярату. 
— Сезне Яшьләр парламентына килергә нәрсә этәрде? 
— Яңалыкка омтылу, күнекмәләр булдыру, фикереңне дөрес белдерергә өйрәнү һәм законнар чыгаруның ничек корылганын аңлау теләге. Зур проектлар тормышка ашырган һәм үзе артыннан ияртергә сәләтле кешеләр һәрвакыт илһамландырды мине. Яшьләр парламенты — барысын да тормышка ашыру мөмкинлеге биргән мәйданчык ул. 
— Безнең районда яшьләрне үстерү өчен нинди мөмкинлекләр бар дип уйлыйсың? 
— Төп ихтыяҗ — иҗади үсеш, һөнәр юнәлеше бирү, файдалы күнекмәләр алу өчен мөмкинлекләрне үстерү. Талантлы яшьләр укып бетергәннән соң районга кайтсын яисә зур шәһәрләргә китмичә, үз көчен лаеклы куллана алсын өчен шундый шартлар тудырырга кирәк. Моңа кәсеп планнарына ярдәм һәм эш урыннары булдыру керә.
— Беренче чиратта нинди проектны тормышка ашырыр идегез? 
— Әле мошенниклыкка каршы көрәш турында онлайн-семинарлар үткәрү һәм буклетлар чыгару проекты көн кадагында. Банкларның төбәк бүлекчәләре белән элемтәгә чыктык инде. «Кумыс Тау трейл» узышы уңышларын танытырга да теләр идек. Янә бер юнәлеш — кече һәм урта эшкуарлык һәм авыл туризмына ярдәм программаларын үстерү. Бу эш урыннары һәм ял итү урыннары булдыру мәсьәләсен хәл итү мөмкинлеге бирәчәк.
— Эдуард Вәлиев парламенттан тыш нәрсә белән яши? 
— Эштән тыш — дуслар белән очрашу, музейларга йөрү. Соңгы вакытта йөгерү белән мавыга башладым, бу башны ял иттерә. Марафон йөгерү һәм аны районыбызда оештыру максаты куйдым. Екатеринбургка барырга, аның мәдәни тормышы белән танышырга теләр идем.
— Сезне нинди контент илһамландыра? 
— Миңа Сергей Минаевның «Тарих дәресләре» ошый. Китаплардан — Стивен Гринблатт, ул тарихны мәдәният аша өйрәнү серләренә төшендерә. Рус язучыларыннан — Ф. М. Достоевский, аеруча «Ак төннәр» ошый. 
— Ютазы районын 5-10 елдан ничек күз алдына китерәсез? 
— Гореф-гадәтләр һәм технологияләр тәңгәл килгән акыллы үсеш биләмәсе итеп. Тормыш итү өчен акыл белән сайланган урын итеп. Бу икътисади мөмкинлекләр, социаль инфраструктура, мәгариф һәм карьера үсешен, шулай ук халыкның тәкъдим-фикерләрен таләп итә.
— Парламент тормышыннан иң истә калган хатирә? 
— Бәхәсләр программасын әзерләүдә катнашу, бу мине Яшьләр парламентына китерде дә инде. Һәм беренче тапкыр Мәскәүгә, Бөтенрусия «Синең герой» ватанпәрвәрлек җыенына бару.
— Яшь лидерларга киңәшләрең?
— Резюмедан түгел, мәсьәләләрне чын күңелдән хәл итү теләгеннән башлагыз. Халык сүзенә колак салыгыз, аларның җан авазын тыңлагыз. Команда белән эшләргә әзер булыгыз. Сезнең репутация — сезнең төп капитал. Намуслы, эзмә-эзлекле, җаваплы булыгыз. 
Фикер: «Безнең Ютазы районын үстерү өчен эш, социаль инфраструктураны, мәгариф һәм карьера юнәлешләрен үстерү өчен остазлык һәм үсеш системасы, югары һәм махсус урта уку йортлары белән хезмәттәшлек, халык тәкъдимнәрен хуплау аша икътисади мөмкинлекләр булдыру зарур».