Ютазылылар «Җиңү диктанты» язды

25 апрельдә "Җиңү диктанты" Бөтенрусия чарасы янәдән меңләгән русиялеләрне һәм шул исәптән Ютазы районында яшәүчеләрне берләштерде. Быел акция бөтен Русия буенча һәм дөньяның 90 илендә урнашкан 35 мең мәйданчыкта узды. Диктантны 2 миллионнан артык кеше язды, аның тексты дөньяның 10 теленә тәрҗемә ителде. "Диктант" атамасына карамастан, бу акциядә катнашучыларга 45 минут эчендә Бөек Ватан сугышы вакыйгаларын, сугыш этапларын, совет солдатлары һәм полководецларның казанышларын үз эченә алган 25 сорауга җавап бирергә туры килде. Быелгы "Җиңү диктанты" ның үзенчәлеге махсус хәрби операциягә багышланган сораулар өлеше булды. Барлык сорауларга да дөрес итеп җавап биргән кешеләр Кызыл мәйданда Җиңү Парадында катнашу мөмкинлеге алачак.