Татарстанда февраль аенда нормадан 367 процентка күбрәк кар яуган

Бу хакта ТР Гидрометеоүзәге башлыгы Феликс Гоголь «Татар-информ»га хәбәр итте.

Аның сүзләре буенча, республикада ай эчендә 40-90 мм явым-төшем булган – бу айлык норманың 154–367%ына тиң. Аерым районнарда бу күрсәткеч нормадан өч тапкырга артып киткән.

Явым-төшемнәр күбрәк көнбатыш районнарда теркәлгән. Мәсәлән, Яшел Үзән районының Вязовые метеостанциясендә 99 мм, Арчада – 90 мм, Казанда – 89 мм, Лаешта – 82 мм явым төшкән.

Гоголь билгеләп үткәнчә, бу саннар климатик нормадан күпкә югары. Гомумән алганда, кыш та карлы булган: декабрьдә нормадан 75–160%ы, гыйнварда – 128–222%ы явым-төшем булган. Ә сездә кар ничегрәк?

https://trt-tv.ru/2026/03/02/v-tatarstane-za-fevral-vypalo-do-367-osadkov-ot-normy/?utm_source=yxnews&utm_medium=desktop&utm_referrer=https%3A%2F%2Fdzen.ru%2Fnews%2Fstory%2F837d000c-ff2d-5678-bb7a-92353bece16e