Бензин бәяләре нишләгән? Әйе, тагы арткан

Татарстанда 17-23 март аралыгында бензинның өч төренә бәя арткан. Мондый мәгълүматны Росстат китерә.

Шулай итеп, АИ-92 бензинының бәясе 61,43 сумнан 61,69 сумга кадәр, АИ-95 — 65,10 сумнан 65,38 сумга, ә АИ-98 — 89,26 сумнан 89,45 сумга кадәр арткан. Шул ук вакытта дизель ягулыгы исәпләү чорында арзанайган — 72,93 сумнан 72,72 сумга кадәр.

Элегрәк, март башында, республикада автомобиль ягулыгының кыйммәтләнүе теркәлгән иде. Аерым алганда, 2-10 мартта АИ-92 бәясе 60,82 сумнан 61,23 сумга кадәр, АИ-95 — 64,57 сумнан 64,87 сумга кадәр арткан. Гомумән алганда, бәяләрнең арту тенденциясе февральнең ахырыннан бирле саклана.

https://dzen.ru/news/story/9ded0166-3307-57cf-993a-943d58369184?lang=ru&rubric=Kazan&fan=1&t=1774549105&persistent_id=3326214886&cl4url=786dec416ddb8d3643e22ef0b10ab716&story=ad8abdb2-0e53-5b37-a337-963e8ea3cd6b