Россиянең телевидение һәм радиотапшырулар челтәренә – 25 ел!

2001 елда Россия Президенты Указы нигезендә оештырылган бу системалы предприятие 79 радиотелеүзәкне бердәм җитештерү-технологик комплекска берләштерде һәм элемтә өлкәсендә табигый монополия статусын алды.

РТРЧ — региональ телерадиокомпанияләр өчен элемтә хезмәтләре күрсәтүче төп оператор. Аның эшчәнлеге дәүләтнең оборона сәләтен, куркынычсызлыгын һәм технологик бәйсезлеген тәэмин итүдә стратегик әһәмияткә ия, шулай ук гражданнарның мәгълүмат алуга конституцион хокукларын гамәлгә ашырырга ярдәм итә.

2010-елларда РТРЧ «Россия Федерациясендә телерадиотапшыруларны үстерү» федераль максатчан программасын уңышлы гамәлгә ашырды һәм дөньядагы иң зур цифрлы эфир телечелтәрен барлыкка китерде. Хәзерге вакытта бу челтәр илнең 140 меңнән артык торак пунктында яшәүче 98,6% гражданга 20 телеканал һәм өч радиостанциядән абонент түләвесез файдалану мөмкинлеге бирә.

РТРЧ даими рәвештә яңа хезмәтләр кертә. Предприятие инфраструктурасы интернет һәм мобиль элемтә белән тәэмин итү, шулай ук гадәттән тыш хәлләр буенча төбәк һәм муниципаль хәбәр итү системалары өчен дә кулланыла.

Предприятиенең флагманы — биеклеге 540 метр булган Останкино манарасы. Ул Россиянең һәм Европаның иң биек корылмалары исәбенә керә.

РТРЧның күмәк килешүе элемтә тармагында берничә тапкыр иң яхшысы дип танылды. Аның яңа редакциясе хезмәткәрләргә Хезмәт кодексында каралганнан тыш 30дан артык социаль өстенлекне саклап кала.

2009 елның маеннан Татарстан Республикасы радиотелетапшырулар үзәге (РТТҮ) РТРЧ структурасында филиал буларак эшли.

Филиал республика халкының 99,3% ын сыйфатлы күпканаллы телерадиотапшырулар белән тәэмин итә. Цифрлы телечелтәр 87 тапшыру станциясен үз эченә ала. Алар федераль программалар белән беррәттән «Татарстан» ДТРКның төбәк блокларын («Россия 1», «Россия 24» һәм «Радио России» аша), шулай ук «Татарстан — Яңа Гасыр» (ТНВ-Татарстан) региональ телеканалын ОТР аша трансляцияли.

Республика халкының радиопрограммалар белән тәэмин ителеше: «Радио России + Радио Татарстана» — 83,3%, «Маяк» — 62,2%, «Вести FM» — 62,2%.

2000 елдан бирле предприятие «Яңа Гасыр» ТРК АҖ программаларын аналог форматта тарату челтәрен төзеде һәм аның эшләвен тәэмин итә.

2012 елның 1 мартында Казанда Россияда беренче тапкыр DVB-T2 стандартында беренче цифрлы пакет трансляциясе старт алды. Ә 2013 елның 26 июнендә шул ук Казанда икенче пакет эфирга чыгарылды — бу да ил күләмендә беренче булды.

РТРЧның технологик комплексы импортны алыштыру юнәлешендә даими яңартыла. «Татарстан Республикасы РТТҮ» филиалы 2024–2025 елларда республика территориясендә эфир телетапшыргычларын цифрлы форматка тулысынча алмаштыру программасын үтәде — беренче мультиплекста барлык 87 тапшыргыч алыштырылды.

2024 елда радиотелеүзәк манарасы медиафасадлы яңа архитектур-сәнгать яктырткычы белән җиһазландырылды. Хәзер ул Казанның визит карточкасына әверелде һәм шәһәрнең эстетик йөзен баетты.

Филиал директоры Владимир Якимов билгеләп үткәнчә: «РТРЧның 25 елы — безнең илнең бердәм мәгълүмат мәйданын булдырудагы адымлы тарихыбыз. Татарстандагы филиал зур системаның бер өлеше генә түгел: без көн саен сигналның иң ерак авылларга да, һәр йортка да барып җитүе өчен җаваплы. Безнең команда бу зур эшкә үз өлешен кертә, һәм мин бу белән горурланам».

Филиал объектларында радиотехник җиһазлар урнаштырылган, алар аша 10 Россия һәм төбәк радиокомпаниясе программалары, шулай ук кәрәзле элемтә операторларының 140 база станциясе трансляцияләнә.

«Татарстан РТТҮ» филиалы каршында телерадиотапшырулар музее эшли. Аны ел саен мәктәп укучылары, студентлар һәм республика халкы зиярәт кыла.

Филиал берничә тапкыр РТРЧ системасында иң яхшы филиал дип танылды.

Предприятиенең сыйфатлы һәм өзлексез телерадиотапшырулар тәэмин итүдәге ролен Россия Президенты В.В. Путин үз котлауында аерым билгеләп үтте.

Юбилей алдыннан РТРЧның Татарстан Республикасы филиалы коллективы күпьеллык нәтиҗәле хезмәте, республикада телерадиотапшыру чараларын үстерүгә һәм камилләштерүгә керткән зур өлеше өчен Татарстан Республикасы Рәисе Р.Н. Миңнехановның Рәхмәт хатына лаек булды.