Ютазы районы башлыгы ялга кайткан сугышчы белән очрашты

 Исегезгә төшерәбез, урыссулы  Эльдар Анатольевич Асадуллин хезмәтенең беренче көннәреннән үк зирәклек һәм зур оешканлык күрсәтте, бу исә позицияләрне ныгыту буенча хәрби бурычны үтәргә, хезмәттәшләренең һәм үз-үзләренең гомерләрен саклап калырга мөмкинлек бирде. Күрсәткән батырлыгы өчен Эльдар Асадуллин «Батырлык өчен» медале белән бүләкләнде. 
Русия Федерациясенең әлеге дәүләт бүләге (медаль РФ Президентының 2023 елның 23 мартындагы 185нче Указы белән гамәлгә куелган) Ватанны һәм дәүләт мәнфәгатьләрен яклау буенча хәрби һәм башка бурычларны башкарганда батырлык һәм кыюлык күрсәткән махсус хәрби операция катнашучыларына бирелә.
Очрашу барышында район башлыгы сугышчының нинди үтенечләре һәм теләкләре булуы белән кызыксынды, район җитәкчелеге, волонтерлар һәм районда яшәүчеләр балаларына һәм аларның гаиләләренә һәрьяклап ярдәм итәләр, якташларына хезмәт урынына гуманитар йөк туплап җибәрәләр, сугышчыларның балаларына ярдәм итәләр, дип билгеләп үтте. Йөкне җыю вакытында хезмәткәрләрнең теләкләре исәпкә алына, алар белән тыгыз элемтәдә торалар. Башлык белән очрашуга Асадуллин хатыны белән килгән иде, ул район башлыгының игътибарын иренең тиз арада  медицина тикшерүе узарга тиешлегенә юнәлткән. Аяз Шәфыйгуллин  хәрби якташыбыз кыска вакытлы ялда булганда гаиләсенә күбрәк вакыт бүлеп бирә алсын өчен бу эштә  ярдәмчеләренә булышлык күрсәтергә  кушты.