Көрәш-Бүләктә — урам бәйрәме «Бәйрәм бүген авылымда — Мичурин урамында».

Матур җәйге көндә урамга өстәлләр тезелде, һәркем үз күчтәнәче белән бу табынга өлеш кертте. Бәйрәмгә төрле төбәкләрдән авылдашлар, урамдашлар, туганнар, якташлар кайтты. Аннары урамдашларны барлап алдылар: кайсысы авылда яши, ә кемдер — читтә. Күрешү-сөйләшүләр, үзләренең бүгенге көн кормышы, тормышы белән таныштырулар булды. Авылдашлар бер-берсен күрүгә ихлас сөенде, рәхәтләнеп аралашты.

Милли моңнар яңгырады бу көнне Мичурин урамында, шулай ук күңелле конкурслар уздырылды, анда балалар да, ата-аналар да катнашты.

Туган авыл, туган урам, беренчегә аяк баскан туфрактан да кыйм¬мәтле нәрсә юк бу дөньяда. Һәм мондый чаралар оештыру матур гадәт кенә түгел, бәлки, изге бурычтыр да.