Нык тамырлы гаилә авырлыкларга да чыдый

Фотогалерея:http://yutazy.ru/photo/exo-vekov-v-istorii-semi-tarixta-bez-ezlebez

Ел саен уздырылучы шәҗәрә бәйрәмендә районның 12 гаиләсе катнашты. Аларның барысы да яхшы әзерләнгән, һәркайсының чыгышы югарыда дәрәҗәдә иде. Шулай да жюрига иң яхшыларны билгеләргә туры килде.
Шулай итеп, бәйге нәтиҗәләре буенча төп җиңүне  район мәдәният йортын тәкъдим иткән Абдурахмановлар гаиләсе яулады. Аларга фестивальнең апрель аенда Мөслим шәһәрендә узачак зона этабында чыгыш ясарга туры киләчәк. Урыссуның 3нче мәктәбеннән Гыйззәтуллиннар гаиләсе икенче урынга лаек булды, Урыссу башлангыч мәктәбеннән Садрутдиновлар гаиләсе өченче урынны яулады. 
Чара ахырында җиңүчеләргә бүләкләр, катнашучыларга дипломнар, кызыксындыргыч бүләкләр тапшырылды.