Татарстан Президенты матәм көне турында указ имзалады

"2017 елның 2 июлендә Татарстан Республикасының Зәй районында юл-транспорт һәлакәтендә үлүчеләр буенча хәсрәт белдереп, үлүчеләрнең туганнары һәм якыннарының кайгысын уртаклашып, карар чыгарам:

1. 2017 елның 2 июлен Татарстанда матәм көне дип игълан итәргә.
2. Матәм көнендә Татарстан Республикасының бөтен территориясендә Татарстан Республикасы Дәүләт флагларын төшерергә.
3. Телерадиокомпанияләр һәм мәдәният учреждениеләренә матәм көнендә күңел ачу тапшырулары куймаска тәкъдим итәргә.
4. Татарстан Республикасы Министрлар Кабинетына юл-транспорт һәлакәте аркасында һәлак булучыларның гаиләләренә һәм зыян күрүчеләргә матди ярдәм күрсәтү буенча тәкъдимнәр әзерләргә",- диелә документта.

Бүген төнлә фаҗигадә 13 кеше үлде, 15 кеше зыян күрде. Зыян күрүчеләрнең 12 се хастаханәдә медицина ярдәме ала.