Ютазы җирендә – республика чаңгычылары

Чечен җирендә барган хәрби низаг вакытында һәлак булган якташыбыз Фәнис Кәримов истәлегенә багышланган мондый чара быел район җирендә икенче тапкыр оештырыла. Спортчылар һәм аларның остазларын, кунаклар һәм җанатарларны район башлыгы Рөстәм Нуриев һәм ярыш химаячесе - Бөгелмә электр челтәрләре директоры Алмир Латыйпов сәламләде. Чарага Баулы районыннан махсус килгән дәрәҗәле кунак, спорт ветераны Василий Матвеев яшь спортчыларга матур җиңүләр теләде.

Табигатьнең начар һава торышы юк дисәләр дә, карлы-яңгырлы шимбә иртәсе Азнакай, Баулы, Бөгелмә, Әлмәт, Ютазы, Сарман, Ленигороск шәһәр һәм районнарыннан килгән командаларны чыдамлыкка сынады. 2000 һәм 2001 елда туган үсмер малайлар һәм кызлар ирекле ысул белән 4х1 эстафета ярышына чыкты. Бу көнне чаңгы юлында кемне уңыш елмайды, ә кемгә юк? Бу хакта газетаның киләсе санында укый алачаксыз.