Ютазы районы халкын милли бәйрәм Сабантуй белән ТР Президенты Рөстәм Миңнеханов тәбрикли

Бүген бу киң, матур бизәлгән мәйданда милләтләрнең һәм диннәрнең төрле яшьтәге вәкилләре җыелды. Алар игенчеләр хезмәтенә рәхмәтләрен белдерергә, спорттагы сәләтләрен һәм иҗаттагы талантларын күрсәтергә килде.

Сабантуй - татарстанлылар һәм читтә яшәүче ватандашларыбыз өчен иң яраткан бәйрәм. Ул безне үткәннәргә кире кайтара, традицион кыйммәтләрне - туган җиргә һәм гаилә учагына мәхәббәтне, гореф-гадәтләргә хөрмәтне искәртеп тора.

Татарстан игенчеләренең фидакарь хезмәте безгә чәчүне тиешле югарылыкта төгәлләргә булышты. Без көзге уңышка һәм республиканың азык-төлек иминлегенә яхшы нигез салдык.

Безнең хөрмәтле игенчеләргә һәм авыл хезмәтчәннәренә рәхмәтемне белдерәм.

Быелгы Сабантуй барлык катнашучыларга онытылмас тәэсирләр бүләк итсен, кунакчыллык мохите белән куандырсын, дуслар белән аралашу һәм уникаль милли традицияләр белән танышу мөмкинлеге бирсен.

Барыгызга да нык сәламәтлек, бәхет, тынычлык, игелек һәм иминлек телим!