Иске Каразирек авылы китапханәсендә беренче сыйныф укучыларының «Мәдәни көндәлек” бәйрәме узды

Китапханә мөдире Флүзә Карипова балаларны республиканың мәдәни-тарихи урыннары белән таныштырды, чыгышын слайдлар күрсәтү белән аралаштырды. Ул шулай ук көндәлек белән ничек файдаланырга икәнне аңлатты. Беренче сыйныф укучылары көндәлеккә бик шатландылар. Хәзер аларның букчаларында ике көндәлек булачак. Җирле мәдәният йортының сәнгать җитәкчесе Сәкинә Садрыева сүзләре буенча, киләчәктә балалар һәм аларның әти-әниләре өчен китапханә белән берлектә төрле чаралар уздыру планлаштырыла, аларда катнашу нәтиҗәсе уку елы ахырында ясалачак.