Районның чыгарылыш сыйныф укучылары һөнәр сайлау алдында тора

Киләчәккә һөнәр сайлау бурычы алдында торган яшь буын вәкилләрен республика Авыл хуҗалыгы һәм азык-төлек министры вәкиле Ренат Гатиятов Татарстанның агросәнәгать комплексы үсеше белән таныштырды. Казан дәүләт агроуниверситеты педагогы Нияз Сафиуллин, Ветеринария академиясенең икътисад һәм предприятиеләрне оештыру кафедрасы мөдире Марс Алиев үзләре эшли торган уку йортларының өстенлекләре турында кызыклы мәгълүмат җиткерде.