Татарстан укучыларына төгәл фәннәр буенча уңышлары өчен 50 мең сум акча биреләчәк
Республиканың 5–11 сыйныф укучылары математика, физика яки химияне тирәнтен үзләштергәннәре өчен акчалата бүләк алалачак . Бу хакта «Татар-информ«да узган матбугат конференциясендә Талантлар университеты җитәкчесе Аделя Әхмәтова хәбәр итте.
Аның сүзләренчә, «Физика-математика үсеше» проекты үзенчәлекле һәм Русиянең башка төбәкләрендә андый мөмкинлек юк. Гариза бирү кампаниясе 1 апрельдә башлана. Узган елда 200 укучы шундый акчалата бүләк алган, ә 2026 елда аларның саны ике тапкыр артачак: гамәлдәге юнәлешкә «Физика-химия үсеше» дә өстәлде.
Түләү алу шартлары аерыла. «Физмат» өчен 4,5тән югары уртача балл һәм профиль түгәрәгендә кимендә ярты ел шөгыльләнү таләп ителә. «Физхим» өчен — 4 дән югары уртача балл һәм өч айлык түгәрәкне карау.
Гаризалар 1-15 апрель көннәрендә кабул ителә. Акчалата бүләкне җиңүчеләр 17 июльгә кадәр алачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев