Урыссудагы 2 санлы мәктәпнең 8б сыйныфы укучылары Ык елгасы тугаена экологик “десант төшергән”

Пластик шешәләрне һәм алюминий "банкаларны" да балалар моның өчен махсус билгеләнгән контейнерларга салган, калган чүпне каты көнкүреш калдыклары өчен куелган гадәти контейнерларга урнаштырган. Балалар бистә яныннан шундый, республика әһәмиятендәге табигать байлыгы саналган матур елга агуына куанып бетә алмый һәм язын анда җыештырганга кадәр булган күренеш - пычрак һәм чүп "хакимлек итмәс" дип ышана.